ஜபாகுஸுமஸங்காஶம் காஶ்யபேயம் மஹத்³யுதிம் |
தமோ(அ)ரிம் ஸர்வபாபக்⁴னம் ப்ரணதோ(அ)ஸ்மி தி³வாகரம் || 1 ||
த³தி⁴ஶங்க²துஷாராப⁴ம் க்ஷீரோதா³ர்ணவஸம்ப⁴வம் |
நமாமி ஶஶினம் ஸோமம் ஶம்போ⁴ர்முகுடபூ⁴ஷணம் || 2 ||
த⁴ரணீக³ர்ப⁴ஸம்பூ⁴தம் வித்³யுத்காந்திஸமப்ரப⁴ம் |
குமாரம் ஶக்திஹஸ்தம் தம் மங்க³ளம் ப்ரணமாம்யஹம் || 3 ||
ப்ரியங்கு³கலிகாஶ்யாமம் ரூபேணாப்ரதிமம் பு³த⁴ம் |
ஸௌம்யம் ஸௌம்யகு³ணோபேதம் தம் பு³த⁴ம் ப்ரணமாம்யஹம் || 4 ||
தே³வானாம் ச ருஷீணாம் ச கு³ரும் காஞ்சனஸம்நிப⁴ம் |
பு³த்³தி⁴பூ⁴தம் த்ரிலோகேஶம் தம் நமாமி ப்³ருஹஸ்பதிம் || 5 ||
ஹிமகுந்த³ம்ருணாலாப⁴ம் தை³த்யானாம் பரமம் கு³ரும் |
ஸர்வஶாஸ்த்ரப்ரவக்தாரம் பா⁴ர்க³வம் ப்ரணமாம்யஹம் || 6 ||
நீலாஞ்ஜனஸமாபா⁴ஸம் ரவிபுத்ரம் யமாக்³ரஜம் |
சா²யாமார்தண்ட³ஸம்பூ⁴தம் தம் நமாமி ஶனைஶ்சரம் || 7 ||
அர்த⁴காயம் மஹாவீர்யம் சந்த்³ராதி³த்யவிமர்த³னம் |
ஸிம்ஹிகாக³ர்ப⁴ஸம்பூ⁴தம் தம் ராஹும் ப்ரணமாம்யஹம் || 8 ||
பலாஶபுஷ்பஸங்காஶம் தாரகாக்³ரஹமஸ்தகம் |
ரௌத்³ரம் ரௌத்³ராத்மகம் கோ⁴ரம் தம் கேதும் ப்ரணமாம்யஹம் || 9 ||
இதி வ்யாஸமுகோ²த்³கீ³தம் ய꞉ படே²த்ஸுஸமாஹித꞉ |
தி³வா வா யதி³ வா ராத்ரௌ விக்⁴னஶாந்திர்ப⁴விஷ்யதி || 10 ||
நரனாரீன்ருபாணாம் ச ப⁴வேத்³து³꞉ஸ்வப்னநாஶனம் |
ஐஶ்வர்யமதுலம் தேஷாமாரோக்³யம் புஷ்டிவர்த⁴னம் || 11 ||
க்³ரஹநக்ஷத்ரஜா꞉ பீடா³ஸ்தஸ்கராக்³னிஸமுத்³ப⁴வா꞉ |
தா꞉ ஸர்வா꞉ ப்ரஶமம் யாந்தி வ்யாஸோ ப்³ரூதே ந ஸம்ஶய꞉ || 12 ||
japākusumasaṅkāśaṁ kāśyapēyaṁ mahadyutim |
tamō:’riṁ sarvapāpaghnaṁ praṇatō:’smi divākaram || 1 ||
dadhiśaṅkhatuṣārābhaṁ kṣīrōdārṇavasambhavam |
namāmi śaśinaṁ sōmaṁ śambhōrmukuṭabhūṣaṇam || 2 ||
dharaṇīgarbhasambhūtaṁ vidyutkāntisamaprabham |
kumāraṁ śaktihastaṁ taṁ maṅgalaṁ praṇamāmyaham || 3 ||
priyaṅgukalikāśyāmaṁ rūpēṇāpratimaṁ budham |
saumyaṁ saumyaguṇōpētaṁ taṁ budhaṁ praṇamāmyaham || 4 ||
dēvānāṁ ca r̥ṣīṇāṁ ca guruṁ kāñcanasaṁnibham |
buddhibhūtaṁ trilōkēśaṁ taṁ namāmi br̥haspatim || 5 ||
himakundamr̥ṇālābhaṁ daityānāṁ paramaṁ gurum |
sarvaśāstrapravaktāraṁ bhārgavaṁ praṇamāmyaham || 6 ||
nīlāñjanasamābhāsaṁ raviputraṁ yamāgrajam |
chāyāmārtaṇḍasambhūtaṁ taṁ namāmi śanaiścaram || 7 ||
ardhakāyaṁ mahāvīryaṁ candrādityavimardanam |
siṁhikāgarbhasambhūtaṁ taṁ rāhuṁ praṇamāmyaham || 8 ||
palāśapuṣpasaṅkāśaṁ tārakāgrahamastakam |
raudraṁ raudrātmakaṁ ghōraṁ taṁ kētuṁ praṇamāmyaham || 9 ||
iti vyāsamukhōdgītaṁ yaḥ paṭhētsusamāhitaḥ |
divā vā yadi vā rātrau vighnaśāntirbhaviṣyati || 10 ||
naranārīnr̥pāṇāṁ ca bhavēdduḥsvapnanāśanam |
aiśvaryamatulaṁ tēṣāmārōgyaṁ puṣṭivardhanam || 11 ||
grahanakṣatrajāḥ pīḍāstaskarāgnisamudbhavāḥ |
tāḥ sarvāḥ praśamaṁ yānti vyāsō brūtē na saṁśayaḥ || 12 ||
जपाकुसुमसङ्काशं काश्यपेयं महद्युतिम् ।
तमोऽरिं सर्वपापघ्नं प्रणतोऽस्मि दिवाकरम् ॥ १ ॥
दधिशङ्खतुषाराभं क्षीरोदार्णवसम्भवम् ।
नमामि शशिनं सोमं शम्भोर्मुकुटभूषणम् ॥ २ ॥
धरणीगर्भसम्भूतं विद्युत्कान्तिसमप्रभम् ।
कुमारं शक्तिहस्तं तं मङ्गलं प्रणमाम्यहम् ॥ ३ ॥
प्रियङ्गुकलिकाश्यामं रूपेणाप्रतिमं बुधम् ।
सौम्यं सौम्यगुणोपेतं तं बुधं प्रणमाम्यहम् ॥ ४ ॥
देवानां च ऋषीणां च गुरुं काञ्चनसंनिभम् ।
बुद्धिभूतं त्रिलोकेशं तं नमामि बृहस्पतिम् ॥ ५ ॥
हिमकुन्दमृणालाभं दैत्यानां परमं गुरुम् ।
सर्वशास्त्रप्रवक्तारं भार्गवं प्रणमाम्यहम् ॥ ६ ॥
नीलाञ्जनसमाभासं रविपुत्रं यमाग्रजम् ।
छायामार्तण्डसम्भूतं तं नमामि शनैश्चरम् ॥ ७ ॥
अर्धकायं महावीर्यं चन्द्रादित्यविमर्दनम् ।
सिंहिकागर्भसम्भूतं तं राहुं प्रणमाम्यहम् ॥ ८ ॥
पलाशपुष्पसङ्काशं तारकाग्रहमस्तकम् ।
रौद्रं रौद्रात्मकं घोरं तं केतुं प्रणमाम्यहम् ॥ ९ ॥
इति व्यासमुखोद्गीतं यः पठेत्सुसमाहितः ।
दिवा वा यदि वा रात्रौ विघ्नशान्तिर्भविष्यति ॥ १० ॥
नरनारीनृपाणां च भवेद्दुःस्वप्ननाशनम् ।
ऐश्वर्यमतुलं तेषामारोग्यं पुष्टिवर्धनम् ॥ ११ ॥
ग्रहनक्षत्रजाः पीडास्तस्कराग्निसमुद्भवाः ।
ताः सर्वाः प्रशमं यान्ति व्यासो ब्रूते न संशयः ॥ १२ ॥
No comments:
Post a Comment